Wednesday, February 14, 2024

നുണ

മുകളിലെ നുണ

താഴെ സത്യമാകുമോ?

കൂടുതൽ നുണ പറയുന്നവർ 

കൂടുതൽ നുണകൾ വിശ്വസിക്കുന്നു.

പിന്നെ നിഷ്കളങ്കരും

വിഡ്ഢികളും

അവരോട് ചേരുന്നു

നുണ വലുതാകുന്നു

നുണ മലയാകുന്നു.

മതമാകുന്നു.

മലയാകുന്ന മതം

സത്യമാകാതിരിക്കുമോ?

എല്ലാവരും പറയുന്നതല്ലേ?

ഡോക്ടമാരും ശാസ്ത്രജ്ഞരും

കൂടെകൂടി

അപ്പോൾ നുണ സത്യം തന്നെ.

രാജ്യ നേതാക്കൾക്കും

തൂക്കമാണ് പ്രിയം

നുണ മലകൾ

മലകൾ കുന്നുകളെ പ്രസവിക്കുന്നു.

എന്നും കേൾക്കുന്ന നുണകൾ

പാട്ട് പോലെ സുഖമാണത്രേ.

സത്യം വേദനിപ്പിക്കും.

നുണ സത്യമാകുമോ?

സത്യം നുണയാകുമോ?

ആര് പറയുന്നതാണ് സത്യം?

ദൈവമെന്ന നുണ

സാത്താനെന്ന നുണ

പ്രേതമെന്ന നുണ

ശാസ്ത്രമെന്ന സത്യം

തെറ്റിയാൽ തെറ്റെന്ന് പറയുന്ന

ഒരേ ഒരു സത്യം

അത് ശാസ്ത്രം.

മനുഷ്യനെന്ന സത്യം

മൃഗമെന്നത് സത്യം

പ്രകൃതിയെന്ന സത്യം

എല്ലാം സാഹിത്യമെന്നത് സത്യം

Friday, February 9, 2024

വർഗീയ വിഷം പുരളാത്ത ഇടങ്ങൾ

 

ദൈവത്തിൻ മുന്നിൽ പലതായി

പകയായി പള്ളികൾ കെട്ടി പണിതീടുന്നു.  

പലതായി പൂജകൾ നടത്തീടുന്നു.

ചിന്നിച്ചു ഭിന്നിച്ചു പൂജകളോരോന്നും

പലതായി പകയായി ഉയർന്നീടുന്നു.

എങ്കിലും പ്രത്യാശ ഒന്നിക്കുവാൻ.

ഒന്നാണ് നമ്മൾ ഒന്നാണ് നമ്മൾ

ബാറിന് മുന്നിൽ ഒന്നാണ് നമ്മൾ

റമ്മിന് മുന്നിൽ ഒന്നാണ് നമ്മൾ

കിക്കിനും മുന്നിൽ ഒന്നാണ് നമ്മൾ.

ഒന്നിൽ നിർത്തിയാൽ ഒന്നായിടും

മോന്താൽ കൂടിയാൽ രണ്ടായിടും

പിന്നെയും മോന്തിയാൽ അടിയായിടും.

 

ഒന്നായ പൊതുവിടമൊന്നുമാത്രം

കളിക്കളമാണല്ലോ സ്വർഗ്ഗഭൂമി.

പന്തു കളിയിൽ ഒന്നാണ് നമ്മൾ,

ഹിന്ദു ഗോളെന്ന് ചൊല്ലാതെ നമ്മൾ,

മുസ്ലിം ഗോളെന്ന് ചൊല്ലാതെ നമ്മൾ,

ഒന്നായി നമ്മൾ കയ്യടിച്ചു.

ഒന്നായ പൊതുവിടമൊന്നുമാത്രം

കളിക്കളമാണല്ലോ സ്വർഗ്ഗഭൂമി.

കളിക്കളമാണല്ലോ സ്വർഗ്ഗഭൂമി.

കളിക്കളമാണല്ലോ സ്വർഗ്ഗഭൂമി.

Tuesday, October 24, 2023

ലോപിത മോഹം - തുള്ളൽ ശൈലിയിൽ

തളിരിലയോളം തരളിതമായൊരു,

ലാളന ലീല മാനവ മോഹം.

ലോചനമായൊരു ലോഭന മോഹം,

ലോലിതമായൊരു ലോഭന മോഹം.

വിചാര വികാര ലോപിത ലോകം.

അതി മോഹിത ലോപിത ലോകം.

രൂഢത രൂപക ശിലയിൽ ചിത്രം.

ജലരേഖിത –

ജലരേഖിത മാനവ കനവിൻ ചിത്രം,

നീരജമനുജൻ തളിരിലനീരൊലി.

കൂണിത താമര തളിരിലനീരൊലി.

തളിരിലയോളം തരളിതമായൊരു,

ലാളന ലീല മോഹന രാഗം.

ലോപിത ലോപിത ലോപിത ലോകം.

ലാളന ലീല മോഹന രാഗം.

ലോപിത ലോപിത ലോപിത ലോകം.

Thursday, September 21, 2023

കേരളത്തിന് സ്വാഗത ഗാനം - Option 2 - Medium

പച്ചപർവത നിരകൾക്കിടയിൽ തിളങ്ങും സൂര്യൻ

നദികളിൽ ഒളിമിന്നലായി കേരസൂര്യൻ

കേര പ്രണയമായ്, തീരം തഴുകി തഴുകി ഒഴുകീടുന്നു.

നെൽ കതിരിൻ നാട്ടിൽ വിളയും ഓണപ്പൂക്കളും

കളകളെ മറിച്ച് വിളകൾ തെളിഞ്ഞീടുന്നു.

 

തെങ്ങിൻ കുലയിൻ കതിരിൻ

അടരിൽ വിടരും കേരളം.

ലാത്തിരി പൂത്തിരി ഉത്സവനാട് കേരളം.

കഥകളി മോഹനി അംഗനമാരുടെ,

വീരാളികളുടെ പോരാളികളുടെ തേരാളികളുടെ കേരളം.

 

ചെണ്ടയിലുണരും ശബ്ദം; സ്നേഹത്തിൻ ശബ്ദം

സ്നേഹത്തിൻ ഭാഷയതല്ലോ മലയാളം.

മലകൾ പുഴകൾ നിറയും ഒഴുകും കേരളനാടിൻ

സ്നേഹത്തിൻ ഭാഷയതല്ലോ മലയാളം.


Wednesday, September 20, 2023

കേരളത്തിന് സ്വാഗതഗാനം - Option 1 - Lite

മലകൾ പുഴകൾ നിറയും ഒഴുകും കേരളം.

മലകൾ പുഴകൾ നിറയും ഒഴുകും കേരളം.

 

സ്നേഹമൊഴുകും ഭാഷയതല്ലോ മലയാളം.

സ്നേഹമൊഴുകും ഭാഷയതല്ലോ മലയാളം.

 

നെല്ലും റബറും ഓണ പൂക്കളും  (a small Pause)

നെല്ലും റബറും ഓണ പൂക്കളും 

കളകളെ മറിച്ച്,

നിരവധി വിളകൾ തെളിയും വിളയും കേരളം.

 

തെങ്ങിൻ കുലയിൻ കതിരിൽ വിടരും കേരളം.

ലാത്തിരി പൂത്തിരി ഉത്സവനാട് കേരളം.

 

കഥകളി മോഹനി അംഗനമാരുടെ,

വീരാളികളുടെ പോരാളികളുടെ തേരാളികളുടെ കേരളം.

 

ചെണ്ടയിലുണരും ശബ്ദമതല്ലോ മലയാളം.

സ്നേഹമൊഴുകും ഭാഷയതല്ലോ മലയാളം.

മലകൾ പുഴകൾ നിറയും ഒഴുകും കേരളം.


അടിക്കുറിപ്പ് : ആർക്കെങ്കിലും ഇഷ്ടപ്പെട്ടാൽ , ഇത് സാഹിത്യ അക്കാദമി ഓഫീസിലെ ബന്ധപ്പെട്ട വ്യക്തികൾക്ക് അയച്ചു കൊടുക്കാം. എന്നെ അറിയിച്ചാൽ മതി. ഇതിന് ഞാൻ നൽകിയിട്ടുള്ള ഈണം ആവശ്യമുണ്ടെങ്കിൽ ചൊല്ലി കേൾപ്പിക്കാം. 


Tuesday, July 11, 2023

വേറെ പണി നോക്കിക്കൂടെ

 വക്കീലിനോട് ഞാൻ ചോദിച്ചു 

 വക്കീലാകുന്നത് നല്ലതല്ലേ?

 വേണ്ട മോനേ-യെന്ന് ചൊല്ലി, 

 വേറെ നല്ല പണിക്ക് പോകൂ.


 ഡോക്ടറോടും ഞാൻ ചോദിച്ചുവന്ന് 

 ഡോക്ടറാകുന്നത് നല്ലതല്ലേ?

 വേറെ പണികൾ നോക്കിക്കൂടെ 

 ഈ വേദന കാണുന്നതെന്തിനാണ്? 


 അദ്ധ്യാപകന്നൊരാളും പറഞ്ഞൊഴിഞ്ഞു 

 തൊണ്ട കാറി മരിച്ചുപോകും. 

 പോലീസുകാരും കൈ പിടിച്ചു, 

 പോലീസിനുള്ള കൈയ്യില്ലല്ലോ.


കവിയെ കണ്ടതും ഞാനൊളിച്ചു. 

പിന്നെ കണ്ടപ്പോൾ കവി പറഞ്ഞു.

കവിതയുമുണ്ടല്ലോ ചെറുതെങ്കിലും.  

Sunday, June 11, 2023

റിബൽ

"സ്വയം വിശ്വസിക്കാതെ നിങ്ങൾക്ക് ഈശ്വരനെ വിശ്വസിക്കാനാവില്ല" സ്വാമി വിവേകാനന്ദൻ

 

സ്വയം വിശ്വസിക്കാത്ത ദൈവവിശ്വാസികൾ ഉണ്ടെങ്കിലും

സ്വയം വിശ്വസിക്കുന്ന    ദൈവവിശ്വാസികൾ  ഉണ്ടെങ്കിലും

സ്വയം വിശ്വസിക്കാത്ത ദൈവവിശ്വാസികൾ അല്ലെങ്കിലും

സ്വയം വിശ്വസിക്കുന്ന    ദൈവവിശ്വാസികൾ  അല്ലെങ്കിലും


ആർക്ക് എന്ത് പ്രശ്‌നം?   

നിങ്ങളുടെ വിശ്വാസം എന്റെ വിശ്വാസമല്ലെന്നറിയുക.

പക്ഷെ, ബാലാ, ശ്വാസമൊന്നുതന്നെ.

നിങ്ങളുടെ നിയന്ത്രണത്തിലുള്ളതും

നിങ്ങളുടെ നിയന്ത്രണത്തിലില്ലാത്തതും

നിങ്ങൾക്ക് ചെയ്യാൻ കഴിയുന്നതും

നിങ്ങൾക്ക് ചെയ്യാൻ കഴിയാത്തതും

വിശ്വസിക്കുന്നതും വിശ്വസിക്കാത്തതും

നിങ്ങളുടെ നിയന്ത്രണം.

 

പിന്നെ ഉള്ളതെന്ത് ?

ഉള്ളവരും ഇല്ലാത്തവരും

പാടുന്നവരും പാടാത്തവരും

ഓടുന്നവരും ഓടാത്തവരും

അധികാരമുള്ളവരും ഇല്ലാത്തവരും

പണമുള്ളവരും ഇല്ലാത്തവരും

സ്വാധീനമുള്ളവരും ഇല്ലാത്തവരും

കാണുന്നവരും കാണാത്തവരും

കേൾക്കുന്നവരും കേൾക്കാത്തവരും

അറിയുന്നവരും അറിയാത്തവരും

സംസാരിക്കുന്നവരും സംസാരിക്കാത്തവരും

 


-- കവി ലോനപ്പൻ 

നുണ

മുകളിലെ നുണ താഴെ സത്യമാകുമോ ? കൂടുതൽ നുണ പറയുന്നവർ   കൂടുതൽ നുണകൾ വിശ്വസിക്കുന്നു . പിന്നെ നിഷ്കളങ്കരും വിഡ്ഢികളും അവരോട് ...